Lilla genser

Eg har strikka jamt og trutt i haust, og til meg sjølv har eg også strikka denne lilla genseren på tvers. Den er i mjuk alpakka, og var deilig å ha på. Når eg la den inn i skapet mitt kom eg til å tenke på at dette truleg er den einaste lilla genseren eg har hatt, iallefall så lenge eg sjølv har bestemt. Eg minnast at lilla var veldig in i tenåra, men eg styrte galant unna og satsa på rosa og var bestemt anti-lilla. Elles har lilla kun vore til advent hos meg og knapt nok det, inntil no. Mulig eg er påvirka av trenden i haust, det er jo lilla overalt. Puter, lys, lysestakar, orkidèar, glas, skåler og så vidare i alle slags lilla nyansar og fint er det også.